Әлем күрделі геосаяси өзгерістердің алдында тұр. Өсіп келе жатқан жаһандану аясында аймақтандырудың жаңа форматтарының өсуі қатар жүруде. Мұның бәрі қауіпсіздік архитектурасын қоса алғанда, халықаралық қатынастардың жаңа ережелері мен тетіктерін орнату үшін өсіп келе жатқан бәсекелестіктен көрінеді.

Орталық Азия елдері үшін орталықтың Батыстан Шығысқа ауысуы стратегиялық маңызға ие болады. Халықаралық процестердің жаңа реалияларына уақтылы бейімделу және әлемдік тәртіптің жаңа парадигмасына кіру ішкі және аймақтық дамуға қажетті серпін бере алады. Демек, әртүрлі деңгейлерде жаңа диалог алаңдарын қалыптастырудың маңыздылығы артады.

Мұның бәрі ҚР Президенті жанындағы Қазақстанның жетекші «ақыл-ой орталығы» – ҚСЗИ алаңында алдағы Орталық Азиядағы Қауіпсіздік және ынтымақтастық форумын өткізудің өзектілігін көрсетеді. Осылайша ҚСЗИ дипломатия, мемлекеттік басқару, экономика, мәдениет және бизнес қиылысында жаңа идеяларды тудыратын тұрақты пікірталас алаңына айналады.

Негізгі күн тәртібі өзгермелі әлемдегі Орталық Азия өңірін дамытудың экономикалық, сыртқы және ішкі саяси векторларының аса маңызды мәселелері бойынша пікірталастар мен талқылаулар төңірегінде қалыптастырылатын болады.

Форум сонымен қатар «дипломатияның екінші жолын» қалыптастыруға, атап айтқанда Азия елдерінің жетекші талдау орталықтарымен ұзақ мерзімді қарым-қатынас орнатуға ықпал ететін болады.